بسم الله الرحمن الرحيم
السلام عليكم ورحمة الله وبركاته ....
كل سنه وأنتم جميعا طيبين وبخير
رمضان ...العادة ...أم.... العبادة ؟!!
اسمحولي احكي ...شويه ((انتم عارفين الناس بتحب الحكاوي بس ماحدش ينام ))
قصتنا النهارده ..عن اتنين 3اخوات ..واحد اسمه ...رمضاني والتاني اسمع رمضاوي والتاني اسمه رمضان ....كل سنه وهم طيبين ...جه رمضان زي كل سنه ...وطبعا الثلاثه كانو مبسوطين ..وطايرين من الفرح...
ناخدهم واحد واحد
:::رمضاني :::
قام من النوم كعادته الساعة 3 الظهر ... وقال يادوب الحق اتوضا واصلي عشان الحق اقلب في كل القنوات علي الدش عشان اعرف ارتب وقتي عشان مافيش حاجه تفوتني زي السنه اللي فاتت الحلقة الاولى في المسلسل وقعدت متعكنن طول الشهر ماعرفتش افهم احداث المسلسل....
المهم صاحبنا ...جري ..واتوضا...وصلي ...ومسك الدش وقعد وحفظ الترتيب وقعد يعمل جدول زمني ..مايخرش الميه ...وقعد يقول في باله :::::
الفطار الساعه 5:30 وربنا يخلي ماما ماتتوصاش عقبال ماخلص الاكل والحلويات واشرب الشاي
يبقي اكون قمت من علي السفره 6:30
حلو يادوب اتفرج علي المسلسل الاول في القناه ام ان ان
وانزل اروح الجامع ....اللي ربنا يبارك للامام العشاء + التراويح 15 دقيقة كده اكون عملت تايم مانجمنت ماحصلش..
عشان الحق اطلع علي النادي اقابل العيال ونتفرج علي المسلسل التاني او ماطش برشلونه والانتر ...ولامانع نشيش بس حجر واحد كفايه عشان احنا في رمضان ....
وبعدها ننزل انا والعيال عند شقت الواد ميدو...نلعب استيمشن ...وبعدها ارجع البيت علي 1 عشان الحق المسلسل الثالث واشوف احداثه ...ده كان مغرق الدنيا اعلانات قبل رمضان وبالمرة افتح كتاب الرياضه ولا الكيميا اذاكر كلمتين رمضان الوقت فيه اساسا بيطير ..والله يسامحهم بقي كل سنه امتاحانات الميد تيرم في رمضان نسقط عشان نريحهم.....
وبالمرة مانمش عشان السحور مايفوتنيش عشان الواحد بكره نازل الكليه مش عايز يتنرفز علي حد الواحد في الصيام بيبقي علي اخره ..وبالمره اصلي الفجر....
طبعا ....فاق ...علي صوت ووالدته بتقوله انت مش سامعني انا من الصبح ...بنادي عليك عشان تنزل تجيب ملح من تحت......فقالها هو مافيش حد غيري انا صايم يابشر خلو في فلوبكم رحمة .....اقولك اطلبي ديلفري
انا حخش العب علي الكمبيوتر ..عشان اسلي صيامي ....
°ˆ~*¤®§(*§ قصص .. روايات .. حكايات §*)§®¤*~ˆ°
الإثنين 18 أغسطس - 20:30
