ادخل وشوف بقا انواع الولاد علي النت

المرحلة الاولى
( الي يدوبك لسه متعلم يدخل نت)

طبعا العمر يتراوح من 22 الى ما فوق ... وتلاقيه اول ما يدخل هاي ممكن
نتعرف انا فلان ومن الحته الفلانيه وتحسي ان فيه حنفيه معلومات اتفتحت
واي حاجة تقوليهاله يقولك يعني ايه مش فاهم وبعد كل كلمة يقولك اصل
انا لسه جديد في النت

والنوعية دي تنقسم لقسمين :
1- يا اما متحمس وحط ف دماغه موضوع النت وعايز يتعلم
2- يا اما سمع من صحابه عن النت والبنات وجاي يجرب حظه
____________________________________________

المرحلة الثانية:
( الي بيقعد على النت بس مش كتير)

النوع ده كل كلامه انا مشغولياتي كتير ومبحبش النت والكلام ده وبعد ما
يكلم شوية يقولك ممكن نكمل كلام في التليفون انا اصلي مبدخلش النت
كتير ومليش خلق للكتابة والحاجات دي

والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب وصباح الملل
2- يا اما يبقى عنده عزة نفس وميلحش بس هيتعصب وهيقولك اعمليلي بلوك
______________________________________________
المرحله التالته :
( الي قاعد على النت ليل نهار)
ده بقى شرحه يطول وينقسم لعدة انواع

1- المقموص

ده بقى قاعد وحاطط ايده على زرار الزعل اي حاجة تقوليها تبقي بتقصديه
او بتقللي من شانه وبعد كام مرة كلام ممكن يقولك اديني نمرة تليفونك
ولما تعتذري هيقولك انا هحترم رغبتك وهيركبلك الوش الخشب ومن وقت
للتاني هتاخدي البلوك ف وشك فنصيحه من اولها كده اديله بلوك وديليت

2- ابو دم خفيف

ده شلل مركز ومتعرفيش مين الي خدعه وقاله ان دمه خفيف وكل كلامه قفشات
وضحك والمفروض انك تكوني مجامله وتضحكي بس منصحكيش تيجي على اعصابك

3- المودي

دي بقة شخصية بتتنوع كل يوم على حسب المود وهتحسي انك بتكلمي واحد
عنده انفصام ف الشخصية النهاردة رزين وعاقل وبكرة لاسع وبعد يومين رخم
وبعدها كيوت وفريندلي طبعا الحكايه مش ناقصة جنان كفايه الي الواحد
فيه
4- اللزقه

والنوع ده عايز حزم ف التعامل معاه لأن كل كلامه انتي فين ؟ بتتاخري
في الرد ليه؟ انتي بتكلمي حد ؟؟ ياعم وانت مالك بتتحشر
ليه ......ولو قلتيله ثواني هيقولك ليه رايحة فين؟ متتاخريش ... ايه
ده انتي لسه مجيتيش ؟؟؟

5- الناصح

صباح الصداع مع كل جمله هتقوليها هتاخدي نصيحة وفيه عرض خاص قولي
جملتين وخدي اربع نصايح العرض مستمر حتى نفاد الكمية ........ولو على
منتدى زينا كده هتلاقيه بيقولك ليه حطيتي التوبيك ده وليه شيلتي
الصورة دي وحطيتي التانية انا انصحك انك تخليه يحصل اخواته الي فاتوا
يعني بلوك وديليت

6- الحبيب

انا فيا جاذبية وكل البنات بتعجب بيا ....... ايام ما كنت ف الكليه
كنت عامل ازمه والبنات بتتخانق عليا...... المصيبة بقى ان اي جمله
هتقوليها هيفهم ان انتي معجبه اصله مش بمزاجك هتحبيه يعني هتحبيه

7- حريقة بنات

ده بقى لو في منتدى او ميل جروب تلاقيه مركز على كل البنات ومبيعملش
اي حاجة تانية غير كده الكوميدي بقى لما يتلخبط ويعتقد ان الأسم ده
انثوي ويندمج وبعدين يطلع واحد صاحبه
8- الكداب

من اول الأسم والسن واي معلومة خدتيها كدب في كدب ومتعرفيش ليه ده بقى
انصحيه وخليه يغير اسمه على الماسنجر ويخليه مسيلمة الكداب

9- العبيط

ده هتلاقيه على طول حاطط صورته وذنب عليكي تتفرجي ويشيل الصورة دي يحط
التانية وكل شوية يفتح الكاميرا مع نفسه

10- بابا اوبح

ده ممكن يكون على النت من سنة 69واتخرج واشتغل واتجوز وجاب عيال ولسه
قاعد يتعرف على بنات وكل ما يكلم واحدة يقنعها انه مش متجوز وبيدور
على عروسة وصباح السرحان ولو جربتي كل يوم تدخليله بايميل غير التاني
هتسمعي قصة حياته كل يوم مختلفة

[/b][/center]

هههههههههههههههههههههههههههههههههههههههه
حلو اوى الموضوع
وفعلا فيه ناس كده ع النت
ربنا يبعدنا عنهم
ههههههههههههه

ههههههههههههههههههههههههههه

انا كلمه وقولتها من زماااااااان وهافضل أقولها

النت ده عامل زي الشارع كل الناس بتمشي فيه وماحدش يقدر يقولك انت ماشي من هنا ليه

يعني من كل نوع مليوووووووووووون نوع

بس حلووووووووووووو الموضوع

دايما للأمام

موضوع كويس جدا والله يا محمد

ودائما للامام وتسلم ايديك

ويارب ابعدنا عن الناس دول

ههههههههههههههههههههههههههههههههههههههههههه
انت رائع يا محمد
بصراحه انت رائع
وفعلا فى ناس كده ادخل وشوف بقا انواع الولاد علي النت 40932

اللهم ابد هؤلاء الشخصيات المقرفه عنا جميعا

قولوا امين

امين
انا بحب الموضوع ده اوى
وبيضحكنى اوى اوى

انا والله بشكر الجوهرى

لانه قدم موضوع خلاكى يا صفا تكونى مبسوطه

ومزاجك حلو

انت عارف يا كنج انت زى مين انت زى حريقه بنات وانا متداكده من كده

ههههههههههههههههههههههههههههههههههه
طيب عاوزين نطفيها ياروزي اصل الحريقه لو زادت ممكن تأثر بقي
ومش هنعرف نطفيها خالص
وبشكركم علي الردود الجميله دي

وانتى عرفتى منين يا ست روزى انا بعامل اى بنت على المنتدى زى اختى واكتر والله

وعلى العموم شكرا على كلمه حريقه دى

وانا مفيش فى قلبى يا ست روزى غير واحده فقط

وانا مش حريقه زى ما انتى بتقولى

وشكرا يا جوهرى بقا انا حريقه وعايز تطفيها اوك

ايه ده احماده ده انت طلعت بتحب وبننحب

يخربيتك طلعت واد شقي وانا بقول عليك غلبان وفي حالك

طيب خاف عليها مني بقي اصل لو شفتك في الجامعه هسيطلك وهفضحك

وانت عارفني بقي ممكن اقف في وسط الجامعه وانده عليك احذر احذر

انت عارفنى ممكن اولع فيك

وانت عارفنى ممكن اولع فى الجامعه

وانت ترضى تعمل كده برده معايا

لاء لاء ده انتوا حبايب طب يا كنج مادام طلعت عاشق ولهان كنت قول عشان مش نخبط فى الحلل

على العموم يا روزى انتى قولتى عليا انتى حريقه بنات

وده طبعا غلط لانى مش كده وانا بصراحه زعلت منك من الكلمه دى

ولكن الجوهرى فى الرد بتاعه بيتكلم على حاجه تانيه خالص غير اللى فى دماغك وغير اللى انتى بتفكرى فيه

موضوعك اضافة يا جوهري

رائع جوهرى موضوعك شغاااااااااااااااااال اهه

مش قوي يعني

ههههههههههههه

خلاص شغال نص نص ولا تزعل ابدا

يا ريس
الجوهري
ده مليون المية

لالالالالالالالالالا نص مليون الميه

ياعم ده انت الى قلت كده وانا مالى

الجوهري
ده الباشا

جوهرى بجد انت رائع ونفسى اقلك قسيده شعر والقصيده بتقول : حبيبى يا بكاش يا احلى من الجلاش انا قلبى فى حبك باش وعيزله قطن وشاشا ههههههههههههههههههههههههههههههههههههه
ما رايك ؟؟؟؟؟؟؟؟؟؟؟؟؟؟؟؟؟؟؟؟؟؟؟

أحسنت جوهرى
والقصيدة حلوة يا دودو
مع أنك فيها نتاش
لسانك محتاج رشاش
لانك على الكدب نباش
كلامك زى الخفاش
مقلوب وكله دباش
مليان سموم حناش

أوعى تزعل يا دودو ..دة انا دايب فى دباديبو
أنا بس بهزر معاك .. وبضحك كدة وياك
واللى يزعلك ما عاش .. سيبك منه صدر له الطناش

ههههههههههههههههه جميل اوى الرد ده