شارك برأيك..وانصرأهل بلدك

شارك برأيك
عبر عن مايجيش به صدرك
فللنصر أخواننا ولو بمشاركتهم مشاعرهم
والصراخ معهم لتنهض من سباتها مصر المحروسة

متعب ف حاله مش عايز مشاكل

انا حاسة انه بيغمى عينه عشان مايشوفش الحقيقة
ويفضل عايش ف وهم
ان الحزب الوطنى والحكومة بيقدمولنا كل الخير بس احنا اللى مش عايزينه
احنا لو كنا اتغيرنا ومبادئنا اتحولت للاسوأ فده نتيجة للنظام اللى بيحكمنا
ازاى هنفكر وهنتنج عشان نطور بلدنا واحنا اساسا جعانين وتعبانين مش قادرين نعيش؟
وبقى البيت المصرى يحمد ربنا و يبوس ايده لو لقى قوت يومه وعرف يأكل ولاده ويناموا شبعانين

بصراحة احنا شعب ليه الجنة
وربنا معانا ان شاء الله
لإنى لسة عندى امل

واهلا ومرحب بيك يااستاذ خالد
انت فعلا شرفتنا بتسجيلك ومشاركتك معانا
ونتمنى ان تكمل معنا الطريق من اجل الوصول للافضل

[/center]

,والله شرف لي ان اتعرف علي هذه المجموعة
ويارب راي يعجبكم
والف شكر علي الرد يا عروسة البحر

هناك رسالة اراد الله عز وجل ان نعرفها من حادث الدويقة
ممكن اعرف ماهذه الرسالة

ياباش انا هختصر رأي في كلمتين
(لكل ظالم نهايه )

بس ياريت اعرف الرساله هيه ايه

نفسي الكل يشترك ويجاوب متعب

الرسالة ايه

انا هسال سؤال بس محدش يضحك عليااااااااااااااااااااا
هى ايه اصلا الدويقه

انا أسأل سؤال

انتي منين يا روزي ؟!!

الدويقة دة ياروزى
حاجة كلنا " حندوقها "
لو أحنا لم نغير من أنفسنا
ننصر المظلوم ونأخذ على يد الظالم
نطيع ونسمع أحكام ربنا
نلتزم ما أمر به وننتهى عما نهانا عنه
ويارب ياودود لا تجعلنا ندوق من الدويقة حاجة

طبعا كلنا عارف مين يقصد أخونا
متعب بالظالم
يقصد
" الشعب المصرى "
ذلك الشعب الظالم المستبد
اللى مش عايز يطيع أوامر حملة الكرباج
مع أن الحاكم أيده وجعته من الضرب
أية الظلم دة شعب مفترى ظالم
ميضرب ويتسرق ويتنهب وهو ساكت
لازم يعنى نسائه تصرخ بحرقه ورجاله يبكون فى صمت واطفاله يموتون حسره
فعلا لكل ظالم نهاية
وحييجى اليوم
اللى الشعب المصرى ينتهى عن ظلمه
ظلمه لنفسه
أنه ساكت على الطواغيت أنه قانع بالطغيان

ياعاشق انت عارف انا قصدي ايه كويس
بس ياريت بلاش الطريقه دي في الكلام
وهقولك علي حاجه طبعا مافيش انسان بيحب يطلع نفسه غلطان
اولا الشعب المصري هوه السبب لان الضمير انعدم من قلوبنا
ادخل المستشفي وشوف انت هيتعمل فيك ايه هتتذل
مع ان موجود كافه الامكانيات بس مافيش ضمير من مدير المستشفي
هتقولي مافيش رقابه ومافيش دعم والحوارات دي
هقولك اولا مدير المستشفي مش حزب وطني علشان ياكل حقوقنا
وعلي ما اعتقد مافيش حد بيتخرج من طب ويبقي حزب وطني ده يبقي شاذ
بس انا هقول الحل في ايدينا وهوه
(تركت فيكم ما ان تمسكتم به من قوه كتاب الله وسنتي)
وياريت الضمير المصري يصحي شويه